ArmenianRussianEnglish (UK)

Sergio Rossi ապրանքանիշն հիմնադրվել է գրեթե 50 տարի առաջ և սկսել է իր պատմությունը Ռիմինիի կողքին գտնվող մի փոքրիկ ծովափնյա իտալական քաղաքում գտնվող արհեստանոցով, և ծագումով հենց այնտեղից է ապրանքանիշի հիմնադիր Սերջիո Ռոսսին: 60-ական թվականներին, մոդայի մեջ տեղի ունեցող հեղափոխությունների ժամանակ, այս կազմակերպությունը նույպես կրեց արմատական փոփոխություններ: Այդ ժամանակաշրջանում պարոն Ռոսսին դարձավ կոշիկի ավանգարդիստ դիզայներ: Այսօր Sergio Rossi կոշիկներն անվանում են <<մաքուր ստեղծագործության արդյունք>>: Այն հարցին, թե որոնք են դիզայների ոգեշնչման աղբյուրները, նա պատասխանում է շատ կարճ. << Այդ ամենն իմ երևակայությունն է>>: Այդ երևակայությունն այսօր վերածվում է իրականության` կազմակերպության հզոր տեխնոլոգրայի շնորհիվ: Մինչ աշխարհահռչակ ապրանքանիշի փաթեթավորման արկղում հայտնվելը Sergio Rossi կոշիկների արտադրության գործընթացն ընդգրկում է ամենաքիչը 120 գործողություն: